फोटो : पाबळ विभाग प्रीमियर लीग २०२५ चा उपविजेता ठरलेला पाबळ येथील युवराज वॉरियर्सचे संघ मालक गणेश गायकवाड यांच्यासह संपुर्ण संघ (छायाचित्र : दिनेश ठमके – सुकेळी)
पाबळ विभाग प्रीमियर लीग २०२५ मध्ये उपविजेता ठरलेल्या युवराज वाॅरियर्सने केला जल्लोष
संघ मालक गणेश गायकवाड व समर्थकांनी साजरा केला विजयोत्सव
महेश पवार
नागोठणे : पेण तालुक्यातील पाबळ येथील मैत्री ग्रुप यांच्या वतीने आयोजित करण्यात आलेल्या पाबळ विभाग प्रीमियर लीग २०२५ या टेनिस बॉल क्रिकेट स्पर्धेचा अंतिम सामना रविवारी(दि.१६) सायंकाळी कार्ली – वरप येथील वेद वाॅरियर्स संघ आणि पाबळ येथील युवराज वॉरियर्स या दोन तुल्यबळ संघात संपन्न झाला. यामध्ये युवराज वॉरियर्स पाबळ हा संघ उपविजेता ठरला. या संघाला द्वितीय क्रमांकाचे रोख रक्कम रु. ४४ हजार ४४४ चे पारितोषिक व आकर्षक चषक देऊन गौरविण्यात आले.
पाबळ विभाग प्रीमियर लीग २०२५ या क्रिकेट स्पर्धेत उपविजेता ठरलेल्या युवराज वाॅरियर्सने उपविजेतेपदाचे रुपये ४४ हजार, ४४४ चे रोख पारितोषिक व चषक स्वीकारताच युवराज वाॅरियर्सचा संघमालक असलेले तसेच वनखात्याच्या नागोठणे येथील वन परिक्षेत्र अधिकारी कार्यालयातील कर्मचारी गणेश गायकवाड व त्यांच्या संपूर्ण टीमने यावेळी एकच जल्लोष करीत विजयोत्सव साजरा केला.
यावेळी युवराज वॉरियर्स संघाला प्रोत्साहित करण्यासाठी निवृत्ती दिवेकर, राजु रेशीम, हरेश रेशीम, जिग्नेश, सुशिल मराठा, रितेश गायकवाड, पांडुरंग भस्मा, दर्शन गायकवाड, उत्तम गायकवाड आदींसह अनेक क्रिकेटप्रेमी समर्थक उपस्थित होते.
