जिंदालच्या कंपन्यांची फेर मोजणी करण्यासाठी ऐनघरच्या माजी सरपंचांकडून पाठविलेले पत्र आजी सरपंचाकडून रद्द करण्यासाठी पत्रव्यवहार

जिंदालच्या कंपन्यांची फेर मोजणी करण्यासाठी ऐनघरच्या माजी सरपंचांकडून पाठविलेले पत्र आजी सरपंचाकडून रद्द करण्यासाठी पत्रव्यवहार

नागोठणे विभागातच नव्हे तर संपूर्ण रोहा तालुक्यात कोणत्या ना कोणत्या कारणाने नेहमी चर्चेत राहत असलेल्या ऐनघर ग्रामपंचायतीच्या या प्रकरणात  उपलब्ध झालेल्या माहितीनुसार ऐनघर ग्रामपंचायत हद्दीतील जिंदाल समूहाच्या कंपन्यांची सुमारे सात कोटी रुपयांची घरपट्टी कर थकीत आहे. याशिवाय या कंपन्यांच्या होणाऱ्या फेरमोजणी मधून कंपनीमध्ये नव्याने झालेल्या बांधकामाचा, कंपनीच्या हद्दीचा तसेच कंपनीकडून बेकायदेशीरपणे केला जाणाऱ्या जमिनीच्या वापराचा तपास केला जाणार होता. या फेर मोजणीद्वारे कंपनीकडून दरवर्षी आकारला जाणाऱ्या घरपट्टी करामध्ये नक्कीच मोठ्या प्रमाणात वाढ होणे अपेक्षित होते. असे असतांनाच ही मोजणी प्रक्रिया थांबवण्याचे नक्की कारण काय ? असा प्रश्न माजी सरपंच अर्चना भोसले व स्थानिक नागरिकांतून  उपस्थित केला जात असून कंपनीशी असलेले हितसंबंध जोपासण्यासाठी ग्रामपंचायतीच्या हद्दीतील गावांचा विकास थांबविणार काय ? तसेच या संशयास्पद घडामोडींची चौकशी होणार काय ? असेही स्थानिक नागरिकांतून विचारले जात आहे.