जिंदल रुग्णालयात नेत्र तपासणी शिबिराला उत्स्फूर्त प्रतिसाद

जिंदल रुग्णालयात नेत्र तपासणी शिबिराला उत्स्फूर्त प्रतिसाद

६३ नागरीकांनी घेतला लाभ

दिनेश ठमके

सुकेळी : नागोठणे जवळच असलेल्या सुकेळी येथिल बी.सी. जिंदल चॅरिटेबल रुग्णालय यांच्या सहकार्याने लायन्स क्लब कोलाड – रोहा तसेच लायन्स हेल्थ फाउंडेशन, अलिबाग यांच्या वतीने बुधवार दि.२६ फेब्रुवारी २०२५ रोजी जिंदल रुग्णालयात मोफत नेत्र तपासणी शिबिराचे आयोजन करण्यात आले होते. यावेळी शिबिराला एकुण ६३ नागरीकांनी या शिबिराचा लाभ घेतला.

या शिबिरामध्ये जिंदल कंपनीतील कर्मचारी, तसेच ऐनघर, खांब, नागोठणे परीसरातील एकुण ६३ नागरीकांची डोळ्यांची तपासणी करुन मोफत औषधे देण्यात आली. तसेच ज्यांना मोतिबिंदू शस्त्रक्रियेची गरज आहे त्यांच्यावर लायन्स हेल्थ फाउंडेशन अलिबाग, चोंढी या ठिकाणी मोफत शस्त्रक्रिया करण्यात येणार आहेत. या शिबिरामध्ये ५ ते ६ नागरीकांना मोतीबिंदू झाल्याचे निदर्शनास आले आहे. या शिबिरासाठी अलिबाग, चोंढी येथिल नेत्रतज्ज्ञ डॉ. प्रतिक कणसे, डॉ. नितेश म्हात्रे, डॉ. रुणाली मल्हार, तसेच लायन्स क्लब कोलाडचे अध्यक्ष डॉ.मंगेश सानप, उपाध्यक्ष.डाॅ. विनोद गांधी, सेक्रेटरी रविंद्र लोखंडे, खजिनदार राजेंदर कप्पु, ला. विठ्ठल साबळे, नंदकुमार कलमकर, रविंद्र लोखंडे, चंद्रकांत लोखंडे, यांचे विशेष सहकार्य लाभले. हा शिबिर यशस्वी करण्यासाठी जिंदल रुग्णालयाचे व्यवस्थापक सर्वेश पांचोली यांच्या मार्गदर्शनाखाली सर्वच कर्मचाऱ्यांनी मेहनत घेतली.