नागोठण्यातील डॉ. नेल्सन मंडेला आश्रम शाळेतील विद्यार्थ्यांसोबत शिवजयंतीला स्नेहभोजन 

नागोठण्यातील डॉ. नेल्सन मंडेला आश्रम शाळेत १९ फेब्रुवारीला आगळ्या वेगळ्या स्वरूपात साजरी करण्यात आलेल्या या ३९५ व्या शिवजयंतीची सुरुवात श्रीमंत छत्रपती शिवाजी महाराजांच्या  प्रतिमेला पुष्पहार अर्पण करून व शिव प्रतिमेचे पूजन करून झाली. त्यावेळी कुमार ऋषभ घाग याने अप्रतिम वेशभूषा करून बाल शिवाजीची भूमिका साकारली होती. नंतर बाल शिवाजी कुमार ऋषभ घाग शाळेतील छोट्या विद्यार्थ्यांसोबत मिसळून गेला होता. तदनंतर दिनेश घाग यांनी आश्रम शाळेत जिल्ह्यातील विविध भागातून शिक्षण घेण्यासाठी आलेले छोट्या विद्यार्थ्यांसोबत शैक्षणिक सुविधा, शैक्षणिक प्रगती व इतर अनेक बाबतीत संवाद साधला.