श्री अष्टविनायक पतसंस्थेला मिळालेला पुरस्कार हा छोट्या व्यावसायिकांना उभे राहण्यासाठी केलेल्या सेवेचे हे फळ

श्री अष्टविनायक ग्रामीण बिगरशेती सहकारी पतसंस्था ही आमचे मार्गदर्शक व श्री अष्टविनायक पतसंस्थेचे संस्थापक जयराम पवार सर यांनी नागोठण्यातील के. एम. जी.(कुंभार आळी, मराठा आळी, गवळ आळी)  विभागातील सर्वसामान्य नागरिकांच्या आर्थिक  अडीअडचणीच्या वेळी उपयोग व्हावा तसेच छोट्या छोट्या व्यावसायिकांच्या आर्थिक गरजेसाठी आम्हाला सोबत घेऊन २७ वर्षांपूर्वी स्थापन केली होती. २७ वर्षांपूर्वी स्थापन झालेली नागोठण्यातील ही सर्वात जुनी पतसंस्था असून संस्थेला कोकण पतसंस्था भूषण पुरस्कार, २०२५ ने सन्मानित करण्यात आले ही आम्हा सर्वांसाठी अभिमानाची गोष्ट आहे.  आमच्या पतसंस्थेला मिळालेला पुरस्कार हा आमच्या सर्वसामान्य सभासदांच्या आर्थिक गरजेच्यावेळी व छोट्या व्यावसायिकांना गरजेच्या वेळी त्यांना उभे राहण्यासाठी केलेल्या सेवेचे हे फळ असल्याचे मत श्री अष्टविनायक पतसंस्थेचे अध्यक्ष विलास चौलकर यांनी पुरस्कार वितरण सोहळ्यानंतर “रायगडचा बुलंद आवाज” शी बोलतांना व्यक्त केले.  आज या पतसंस्थेचे वटवृक्षात रूपांतर झालेले असतांनाच या पुरस्काराच्या रूपाने  संस्थेच्या शिरेपेचात एक मानाचा तुरा रोवला गेला असून संस्थेचे सर्व पदाधिकारी, सभासद, कर्मचारी, ठेवीदार व  कर्जदार यांच्या मेहनतीचे हे फळीत असल्याने या पुरस्कारांपासून प्रेरणा घेऊन भविष्यात संस्थेची अधिकाधिक भरभराट होण्यासाठी आम्ही कामाला लागू… श्री. अष्टविनायक पतसंस्थेचे संस्थापक श्री. जयराम पवार सर प्रकृती अस्वस्थेमुळे जरी या सोहळ्याला उपस्थित राहू शकले नसले तरी नंतर त्यांनी आमचे हार्दिक अभिनंदन केले. त्यांनी दिलेली कौतुकाची थाप आम्हाला पुढील कार्यासाठी नक्कीच प्रेरणादायी ठरेल  –  विलास चौलकर, अध्यक्ष, श्री अष्टविनायक पतसंस्था