उच्च वीज दाब वाहिनीचे काम करायचे नाही म्हणजे नाही 

उच्च वीज दाब वाहिनीचे काम करायचे नाही म्हणजे नाही !

“ठेकेदार कंपनीचा बोलबच्चन बैठकीस न येता गेला पळून….”

“जेएसडब्लू कंपनीने ज्या बी.एन.सी पॉवर प्रोजेक्ट लि. या दुस-या एका खासगी कंत्राटदार कंपनीला उच्च दाब वीज वाहिनी टॉवर लाईनचे काम करण्यासाठी नेमले आहे त्या कंपनीचा येथील केअर टेकर म्हणून शेतकऱ्यांचे प्रश्न सोडवून त्यांना आर्थिक फायदा करून देतो असे सांगत वावरणारा व सध्या  पळस येथील एका खासगी फार्म हाऊस मध्ये राहत असलेला एक जण पेण प्रांत कार्यालयातील बैठकीसाठी येऊनही बाहेरच्या बाहेर पळून गेला. तसेच जर तो आला असता तर त्याने शेतकऱ्यांचा मार खाल्ला असता असे कोलेटी येथील शेतकऱ्यांनी  सांगितले.”

उच्च वीज दाबाच्या वाहिनीच्या कामात शेतकऱ्यांचा जमिनीचे मोठ्या प्रमाणात नुकसान होणार आहे. त्यामुळे बाधित होणाऱ्या शेतकऱ्यांना नोटीस देणे गरजेचे असताना तसे न करता जबरदस्तीने काम करणे योग्य नसल्याने जोपर्यंत याप्रकरणी नुकसान भरपाई म्हणून योग्य आर्थिक मोबदला देण्याचा निर्णय होत नाही तोपर्यंत काम बंद ठेवण्यात यावे अन्यथा रोख ठोक भूमिका घेतली जाईल – वैंकुठशेठ पाटील – युवा नेते, भाजपा

शिवसेनेचे युवा नेते संजय म्हात्रे यांनीही आपली भूमिका स्पष्ट करतांना शेतकऱ्यांच्या जागेत दंडेलशाही पद्धतीने टॉवर उभारण्याच्या या कामात शेतकऱ्यांचा विरोध असूनही प्रशासनाने बघ्याची भूमिका घेतली आहे. या बैठकीस कुणीही सक्षम अधिकारी उपस्थित नसल्याने निर्णय झालेला नाही. त्यामुळे या उच्च वीज दाब वाहिनीच्या विरोधात लढा सुरूच राहील असेही त्यांनी स्पष्ट केले.