जनतेचे आशीर्वाद व  ईश्वराची साथ असल्यानेच माझे संकल्प पूर्ण : किशोरभाई जैन 

जनतेचे आशीर्वाद व  ईश्वराची साथ असल्यानेच माझे संकल्प पूर्ण : किशोरभाई जैन 

नागोठणे : हिंदुहृदयसम्राट स्वर्गीय बाळासाहेब ठाकरे यांच्या शिकवणी प्रमाणे ८० टक्के समाजकारण व २० टक्के राजकारण हे तत्व पाळल्यामुळेच ग्रामीण भागातील विद्यार्थ्यांसाठी नागोठण्यात के.जी ते पी.जी पर्यंत शिक्षणाची व्यवस्था करू शकलो. सतत करत जायचे म्हणजे ते होत जाते याचा अनुभव मला वेळोवेळी आला. हेतू चांगला असेल तर सर्व काही शक्य होते. भारतीय एज्युकेशन सोसायटीच्या या शैक्षणिक संकुलाच्या बाबतीत सात स्वप्न पाहिली आणि ती यशस्वी झाली.  आता या ६० व्या वाढदिवसानिमित्त एमबीबीएस कॉलेजचे स्वप्न पाहत आहे आणि ते सुद्धा पूर्णत्वास येईल. कारण जनतेचे आशीर्वाद व ईश्वराची साथ असल्यानेच माझे संकल्प पूर्ण होत आहेत असे उद्गार  भाएसोचे संस्थापक अध्यक्ष किशोरभाई जैन यांनी काढले. 

किशोरभाई जैन यांच्या ६० व्या वाढदिवसानिमित्त भाएसोच्या शैक्षणिक संकुलातील श्रीमती शांतीबाई ओ. जैन आयुर्वेदिक मेडिकल कॉलेजमध्ये आयोजित करण्यात आलेल्या आरोग्य तपासणी शिबिर व किशोरभाई जैन यांच्या अभिष्टचिंतन सोहळ्यानिमित्त शुभेच्छा देण्यासाठी मोठ्या संख्येने उपस्थित असलेल्या जनसमुदायाला संबोधित करताना किशोरभाई जैन बोलत होते. तत्पूर्वी किशोरभाई जैन यांनी त्यांच्या पत्नी व संस्थेच्या उपाध्यक्ष सौ. संगीता किशोर जैन, मुलगा व भाएसोचे मुख्य कार्यकारी अधिकारी कार्तिक जैन, स्नुषा सौ. प्रियांका कार्तिक जैन, नातू कु. शार्विल कार्तिक जैन कुटुंबीयांसोबत केक कापून आपला ६० वा वाढदिवस साजरा केला. 

मेडिकल कॉलेजच्या प्रशस्त सभागृहात संपन्न झालेल्या या सोहळ्याला भाएसो एस. डी. परमार स्कूलचे चेअरमन सुरेश जैन,  नागोठणे ग्रामपंचायतीच्या सरपंच सुप्रियाताई संजय महाडिक, माजी सरपंच व विद्यमान सदस्य डॉ. मिलिंद धात्रक, घिसूशेठ जैन, शिवसेना(उबाठा) विभाग प्रमुख संजय भोसले, उपविभाग प्रमुख संजयदादा महाडिक,  संजय काकडे, जगदीश ठाकूर, बळीराम बडे, अशोक भोय, नागोठणे शाखाप्रमुख धनंजय जगताप, लियाकत कडवेकर, ए. डी.मुल्ला, पिंटूशेठ जैन,  राजीव टेमकर, नागोठणे उपसरपंच अखलाक पानसरे,  ग्रामसेवक राकेश टेमघरे, सदस्य ज्ञानेश्वर साळुंखे, सुप्रिया काकडे, भाविका गिजे, अमृता महाडीक, विनिता पाटील, ज्योती राऊत, विजय शहासने, शैलेश रावकर, जितेंद्र जाधव, कल्पना टेमकर, भक्ती जाधव, दीप्ती दुर्गावले, धर्मा भोपी, भरत गिजे, चंद्रकांत अडसुळे, मेडिकल कॉलेजच्या प्राचार्या वैद्य डॉ. ज्योती जगताप, उपप्राचार्य वैद्य डॉ. अर्चिस  पाटील, फार्मसी कॉलेजच्या प्राचार्य अनघा सामंत, प्राचार्य समीर पवार, अभियांत्रिकी पदविका कॉलेजचे प्राचार्य विवेक गुल्हाने, परमार स्कूलच्या प्राचार्य अमृता गायकवाड, भाई शिर्के, गणपत म्हात्रे, इम्रान पानसरे, समीर भिकन, जोयेब कुरेशी, जितेंद्र धामणसे, बंटी मांडे आदींसह अनेक मान्यवर व भाएसो शैक्षणिक संकुलातील सर्व स्टाफसह नागरिक यावेळी किशोरभाई जैन यांना शुभेच्छा देण्यासाठी मोठ्या संख्येने उपस्थित होते. यावेळी श्री जोगेश्वरी पतसंस्था, भाएसोच्या शैक्षणिक संकुलातील सर्व विभागातील कर्मचारी, विविध संस्था तसेच नागोठणे शहर व विभागातील अनेक नागरिकांनी किशोरभाई जैन यांना वाढदिवसाच्या शुभेच्छा दिल्या. 

किशोरभाई जैन यांच्या वाढदिवसानिनित्त आयोजित करण्यात आलेल्या या मोफत आरोग्य तपासणी शिबिरात विविध प्रकारच्या १० तपासण्या करण्यात आल्या. या आरोग्य तपासणी शिबिराचा सुमारे १५० हुन अधिक नागरिकांनी लाभ घेतला. हे आरोग्य तपासणी शिबिर यशस्वी होण्यासाठी भाएसोचे रजिस्ट्रार प्रा. वैभव नांदगावकर, फार्मसीचे कार्यालयीन अधिक्षक राजेश सुतार, इंडस्ट्रीयल सेफ्टीचे को ऑर्डिनेटर सतीश सुर्वे आदींसह मेडिकल कॉलेजच्या सर्व स्टाफने सहकार्य केले. 

बी. ए. एम. एस. पदवी प्राप्त डॉक्टरला क्लास वन अधिकाऱ्याचा दर्जा आहे.  ग्रामीण भागातील विद्यार्थ्यांना डॉक्टर होता यावे, आपल्या परिसरातील व ग्रामीण भागातील नागरिकांना आयुर्वेदिक उपचार पद्धतीचा लाभ व्हावा या हेतूने मी हे आयुर्वेदिक कॉलेज सुरू केले. आयुर्वेदिक उपचार पद्धतीत रुग्णाला उशिरा फरक पडत असला तरी याचा परिणाम १०० टक्के आहे. परदेशातील व्यक्तीलाही आयुर्वेदिक उपचार पद्धतीसाठी विसा प्राप्त होत असतो. मी स्वतः आयुर्वेदिक उपचार पद्धती स्वीकारली असल्याने आपल्या भागातील लोकांनी या सेवेचा तात्काळ लाभ घेण्यास सुरुवात करावी.  जगभरातील आयुर्वेदिक कॉलेजच्या यादीत नागोठण्यातील या आयुर्वेदिक कॉलेजचे नाव आज समाविष्ट झाले आहे. देशभरातील शंभर विद्यार्थ्यांचा प्रवेश या कॉलेजमध्ये झाला आहे.  मात्र आपल्या या  आयुर्वेदिक कॉलेजमध्ये आपल्या भागातील फक्त दोनच विद्यार्थी प्रवेश पात्र होऊ शकले याची खंत आहे. त्यामुळे मेडिकल कॉलेजच्या प्रवेशासाठी आवश्यक असलेल्या नीट परीक्षेचा अभ्यास आपल्या भागातील विद्यार्थ्यांनी चांगल्या पद्धतीने करून या मेडिकल कॉलेजचा लाभ घ्यावा.