श्रेयस धनंजय धारप यांची दिवाणी न्यायाधीश म्हणून निवड

श्रेयस धनंजय धारप यांची दिवाणी  न्यायाधीश म्हणून निवड

सातत्यपूर्ण अभ्यास,  कठोर मेहनत तसेच आपले वडील व ज्येष्ठ विधिज्ञ धनंजय धारप यांचे मार्गदर्शन याच्या जोरावर श्रेयस धनंजय धारप यांनी पहिल्याच प्रयत्नात व वयाच्या अवघ्या २५ व्या वर्षी हे यश मिळविले आहे. श्रेयस धारप यांच्या या यशाबद्दल रोहा व पाली या दोन्ही न्यायालयातील वकील वर्गातून तसेच रोहा व  सुधागड या दोन्ही तालुक्यातील नागरिकांतून श्रेयस धारप यांचे अभिनंदन होत आहे.

रोहा वकील संघटनेकडून श्रेयस धारप यांचा होणार सत्कार 

श्रेयस धनंजय धारप यांनी दिवाणी न्यायाधीश व न्यायदंडाधिकारी प्रथम वर्ग या परिक्षेत मिळविलेल्या यशाबद्दल रोहा वकील संघटनेकडून श्रेयस धारप यांचा बुधवार दिनांक ९ एप्रिल रोजी सत्कार करण्यात येणार असल्याचे रोहा वकील संघटनेचे अध्यक्ष व ज्येष्ठ विधिज्ञ एन. जी. देशमुख यांनी सांगितले.