आपला देव, देश व धर्म ऐश्वर्यात राहायला पाहिजे ही धारणा असावी 

श्री समर्थ सद्गुरु अदृश्य काडसिद्धेश्वर स्वामी महाराज यांनी संसारातील अनेक दाखले, उदाहरणे, गोष्टींसह भाविकांसमोर सादर करीत सुखी संसाराचे मार्ग कोणते ते सांगितले. तसेच मिळेल ते काम मग ते मोठे असो वा छोटे करीत राहायचे, येईल ते स्वीकारून चालत राहायचे, जेवढे दिवस जगतो त्यामध्ये हातात काम आणि मुखात नाम हवे. देव माझा, मी देवाचा हे तत्त्व स्वीकारून हे जगच माझे आहे ही अवस्था साधकाची असायला हवी अशी आमची नेहमी शिकवण असते. संसारात सर्वांनी खूप काही सोसलेले असते. आपल्याला जे मिळत आहे त्याचा खुशीने स्वीकार करा.  दिले आहे त्याच्यात समाधानी रहा,  क्षुल्लक गोष्टीवरून रडत बसू नका असे बहुमोल मार्गदर्शनही त्यांनी यावेळी केले.