नागोठण्यातील विविध शाळांचे दहावीच्या परीक्षेत यश

नागोठणे : पी. एन. पी. एज्युकेशन सोसायटीच्या नागोठण्याजवळील पळस माध्यमिक शाळेचा निकाल १०० टक्के लागला आहे. या शाळेचे सर्व १४ विद्यार्थी दहावीच्या परीक्षेत उत्तीर्ण झाले आहेत. शाळेतील कुमारी आर्या सचिन शेलार ही विद्यार्थिनी ७६ टक्के गुण मिळवून पहिल्या क्रमांकाने उत्तीर्ण झाली. तर कुमारी नुपूर गजानन बोरकर (७५.२० टक्के) व कुमारी जानवी घनश्याम ठाकूर (७१ टक्के) या दोन विद्यार्थिनी अनुक्रमे द्वितीय व तृतीय क्रमांकाने उत्तीर्ण झाल्या. सर्व यशस्वी विद्यार्थ्यांचे स्थानिक शाळा समितीचे अध्यक्ष, उपाध्यक्ष, सदस्य, मुख्याध्यापक यांच्यासह सर्व शिक्षक व शिक्षकेतर कर्मचाऱ्यांनी अभिनंदन केले आहे.