आनंदीबाई प्रधान महाविद्यालय भारत पाकिस्तान फाळणी दिन व हर घर तिरंगा अभियान कार्यक्रम 

नागोठणे : भारतीय स्वातंत्र्य पूर्वसंध्येला कोकण एज्युकेशन सोसायटीच्या येथील बापूसाहेब देशपांडे विद्यासंकुलातील आनंदीबाई प्रधान विज्ञान महाविद्यालयात राष्ट्रीय सेवा योजना विभागाच्या वतीने आयोजित कार्यक्रमात विद्यार्थ्यांना भारत पाकिस्तान विभाजन विभीषिका व हर घर तिरंगा ध्वज विषयक विद्यार्थ्यांना मार्गदर्शन करण्यात आले.

या प्रसंगी विद्यार्थ्यांना ध्वज वाटप करण्यात आले. शिवाय ऑनलाईन भारत-पाकिस्तान विभाजन विभीषिका दिनानिमित्त राष्ट्राला जनजागृती व्हावी व भारतीयांच्या दु:खाचे स्मरण व्हावे आणि विस्थापित लोकांचे दु:ख  तरूण पिढीला माहित व्हावे हा या मागे उद्देश होता. हे संपूर्ण चित्रण पथ नाट्याच्या स्वरूपात दाखविण्यात आले. या प्रसंगी विद्यार्थ्यांना तंबाखू व धुम्रपान अशा मादक पदार्थ सेवन न करण्याची शपथ देण्यात आली. या प्रसंगी कार्यक्रम अधिकारी प्रा. डॉ. श्रीकृष्ण तुपारे व डॉ. मनोहर शिरसाठ यांनी मार्गदर्शन केले. याच दिवशी स्वंयसेवकांनी तयार केलेल्या राष्ट्रीय एकात्मता विषयावरील पोस्टर्सचे अनावरण करण्यात आले.