विजेच्या मुख्य समस्येसह अनेक विषयांवर गाजली नागोठण्यातील आढावा बैठक 

राजिपचे माजी सदस्य किशोरशेठ जैन यांनी अंबा नदीची खोली वाढविण्यासाठी गाळ काढणे, छोट्या छोट्या पुराचा नागोठणे शहराला होणारा धोका टाळण्यासाठी नदीला संरक्षित भिंत बांधणे, पुराच्या वेळेस पूरग्रस्त नागरिकांना हक्काचा निवारा म्हणून ग्रामपंचायतीच्या जुन्या इमारतीच्या जागी प्रशस्त हॉल बांधण्यासाठी निधी मंजूर करणे,  रखडलेली नागोठणे शुद्ध पाणीपुरवठा योजना अशा अनेक महत्वपूर्ण विषयांवर मंत्रालय स्तरावर एक बैठक लवकरात लवकर लावण्यात यावी अशी महत्वपूर्ण सूचना आमदार रवीशठ पाटील यांच्याकडे केली. यासाठी तातडीने मीटिंग लावण्याचे आश्वासन आ. रविशेठ पाटील यांनी दिले. 

नागोठणे विभागाला लागलेला इको सेन्सिटिव्ह झोन हटविण्याची महत्वपूर्ण सूचना नागोठणे विभाग सहकारी भातगिरणीचे सभापती सदानंद गायकर यांनी केली. तर नागोठण्यातील रखडलेली शुद्ध पाणी पुरवठा योजना, रोहा तहसील मधील सेतू कार्यालयात नागरिकांची होणारी गैरसोय व विविध दाखल्यांसाठी विद्यार्थी व नागरिकांची होणारी रखडपट्टी याविषयी विलास चौलकर यांनी प्रश्न उपस्थित केले.  पळस, कोलेटी विभागात शेतकऱ्यांना विश्वासात न घेता जेसडब्लू कंपनीच्या उच्च वीज दाबाचे मनोरे उभारण्याचे सुरू असलेले काम याविषयी प्रशांत भोईर यांनी प्रश्न उपस्थित केला. 

सामाजिक कार्यकर्ते किशोरभाई म्हात्रे यांनी सांगितले की, रोहा तहसीलदार श्री. किशोर देशमुख यांनी तालुक्याचा पद स्विकारल्या पासून नागोठणे विभागात दोन ते तीन वर्षामध्ये नैसर्गिक आपत्ती व्यवस्थापन करणेकामी एकदाही मिटींग घेतलेली नाही. गोरगरीब आदीवासी व तालुक्यातील नागरीकांना नवीन रेशनकार्ड देताना अडवणूक केली जाते.  सेतूमध्ये नागरिकांना प्रतिज्ञापत्राची वाट पाहत बसावे लागते. तसेच आज आमदार साहेब आपण आहात म्हणून लाईट गेली नाही. नाहीतर सकाळ पासून अनेकवेळा तसेच रोज रात्री ९ वाजता लाईट जाते. त्यामुळे हे महावितरणचे अधिकारी विज बलाढ्य कंपन्यांना विकतात की काय ? असा आरोपही किशोरभाई म्हात्रे यांनी केला.