मेघ पोटेच्या बासरीवादन कलेने नागोठणेकर भारावले

जगप्रसिद्ध बासरीवादक पंडित हरिप्रसाद चौरसिया यांचे शिष्य असलेले जगप्रसिद्ध बासरीवादक पंडित रूपक कुलकर्णी यांचा सर्वात छोटा व आवडता शिष्य असलेल्या अकरा वर्षीय कु. मेघ याने यापूर्वी कोर इन्स्टिट्युट ऑफ म्युझिक, कँनडा आयोजित आंतरराष्ट्रीय आॅनलाईन संगीत स्पर्धेत भारत देशाचे प्रतिनिधित्व करतांना तब्बल २०० स्पर्धकांधून प्रथम क्रमांकाचे पारितोषिक पटकावले आहे.  एप्रिल, २०२३ मध्ये त्याने बेंगलोर स्थित एका इंटरनॅशनल कंपनीला त्यांच्या जिंगल साठी स्वतः म्युझिक कंपोज करून दिली आहे.   आतापर्यंत त्याने अनेक नाटकांमध्ये “बाल कृष्ण” बनून बासरी वाजविली आहे.  तसेच महाराष्ट्रातील अनेक शहरांमध्येही कुमार मेघ याने बासरी वादन केलेले आहे.  महाराष्ट्र बाहेर बडोद्यात साधारण दहा हजार प्रेक्षकांसमोर समोर देखील त्याने आपले बासरी वादन केलेल आहे.  “मित्र फाउंडेशन” पुणे तर्फे दिनांक २६  नोव्हेंबर, २०२३ रोजी मेघ याला “मित्र फाउंडेशनचे” संस्थापक धनंजय गोखले यांच्यावतीने ज्येष्ठ तबलावादक पंडित सुरेश सामंत यांच्या हस्ते २०२३-२४ ची बासरी वादनासाठी स्कॉलरशिप देण्यात आली आहे. अशा लहान वयात प्रसिद्धीस आलेल्या कुमार मेघ याचे सर्वत्र कौतुक होत आहे.