युवा नेते मनोजदादा खांडेकर यांच्या नेतृत्वाखाली  नागोठणे विभागात शिवसेनेत जोरदार इनकमिंग

नागोठणे : हिंदुहृदयसम्राट बाळासाहेब ठाकरे, धर्मवीर आनंद दिघे यांच्या विचाराने प्रेरित झालेल्या शिवसेना पक्षाचे मुख्य नेते, माजी मुख्यमंत्री आणि राज्याचे विद्यमान उपमुख्यमंत्री एकनाथ शिंदे यांच्या नेतृत्वाने तसेच राज्याचे रोजगार हमी मंत्री भरतशेठ गोगावले व दमदार आमदार महेंद्रशेठ दळवी यांच्या कार्यप्रणालीवर प्रेरित होऊन आणि रोहा तालुका प्रमुख ॲड. मनोजकुमार शिंदे, उप तालुका प्रमुख व नागोठणे विभागासह रोहा तालुक्यातील युवा नेते मनोजदादा खांडेकर,  युवा उद्योजक सुमितदादा काते यांच्या मार्गदर्शनाखाली नागोठणे विभागात शिवसेनेमध्ये जोरदार इनकमिंग सुरू असल्याचे दिसून येत आहे. नागोठणे विभागात शिवसेनेची तागद वाढत असल्याने आगामी जिल्हा परिषद निवडणूक नागोठणे गटात रंगतदार होण्याची चिन्हे निर्माण झाली आहे.

 

नागोठणे विभागातील ऐनघर पंचक्रोशी, वेताळवाडी,

नागोठणे शहर, पळस, वांगणी या भागातील प्रवेशानंतर कोंडगाव मध्ये विजय धामणे यांच्या नेतृत्वाखाली झालेला तरुणांचा व कार्यकर्त्यांचा प्रवेश यांसह विभागातील इतर अनेक गावांतील तरुण वर्ग व इतर पक्षीय कार्यकर्त्यांनी गेल्या काही दिवसांत शिवसेनेत मोठ्या प्रमाणात प्रवेश केलेला आहे. असे असतांनाच नागोठण्याजवळील वणी गावातील अनेक तरुणांनी व कार्यकर्त्यांनी युवा नेते मनोजदादा खांडेकर यांच्या कार्यप्रणालीवर खुश होऊन शुक्रवार दिनांक २६ डिसेंबर रोजी शिवसेनेच्या नागोठण्यातील कार्यालयात शिवसेना पक्षात प्रवेश केला.

या प्रवेश सोहळ्यास ऐनघर ग्रामपंचायतीचे माजी सरपंच सचिन भोसले, युवासेना तालुका सचिव मंदार कोतवाल, कडसुरे शाखाप्रमुख भानुदास शिंदे, नागोठणे विभाग संपर्कप्रमुख संजूदादा कणघरे, युवासेना उपतालुका प्रमुख विशाल शिरसे, युवासेना उपविभाग प्रमुख प्रसाददादा जाधव, युवासेना शहर अधिकारी संदीप वाजे, युवासेना उपविभाग अधिकारी राज दुर्गावले व शिवसेनेचे सर्व पदाधिकारी उपस्थित होते.