नागोठण्याच्या विकासासाठी पंचवीस वर्षाचा राजकीय संघर्ष विसरून आम्ही दोन भाऊ एकत्र आलो :  नरेंद्रशेठ जैन 

नागोठणे : नागोठण्याच्या राजकारणातील माझा  व किशोर जैन यांच्या संघर्षामुळे गावाच्या विकासाला कुठेतरी अडथळा निर्माण होताना दिसत होता परंतु आता नागोठण्याच्या सर्वांगीण विकासासाठी आमचा पंचवीस वर्षाचा राजकीय संघर्ष विसरून आम्ही लहान मोठे भावंड एकत्र आलेलो आहोत. कोणालाही चिंता करण्याची गरज नाही. कोणाला काय वाटत असेल, कोणाच्या मनात काय शंका आहेत त्या मनातून काढून टाका. आम्ही दोन भाऊ एकत्र आलेलो आहोत आता विजय आपलाच आहे असा आत्मविश्वास राष्ट्रवादी काँग्रेसचे नेते नरेंद्रशेठ जैन यांनी व्यक्त केला.

नागोठणे जिल्हा परिषद गटाचे राष्ट्रवादी काँग्रेसचे उमेदवार किशोरभाई जैन व नागोठणे पंचायत समिती गणाच्या उमेदवार समृद्धी संतोष कोळी यांच्या प्रचारार्थ बुधवारी (दि. ४) रात्री नागोठणे केएमजी (कुंभार आळी, मराठा आळी, गवळ आळी) विभागात घेण्यात आलेल्या सभेच्या वेळी नरेंद्रशेठ जैन बोलत होते.  यावेळी राष्ट्रवादीचे नेते नरेंद्रशेठ जैन यांच्या समवेत नेते भाई टके, उमेदवार किशोरभाई जैन, समृद्धी कोळी, शिवरामभाऊ शिंदे, नागोठण्याच्या  सरपंच सुप्रिया महाडिक, भाजप जिल्हा उपाध्यक्षा श्रेया कुंटे, माजी सरपंच विलास चौलकर, डॉ. मिलिंद धात्रक, राष्ट्रवादी विभागीय अध्यक्ष संतोष कोळी, शहर अध्यक्ष बाळासाहेब टके, संजय भोसले, माजी उपसरपंच मोहन नागोठणेकर, सुनिल लाड, ग्रामपंचायत सदस्य संतोष नागोठणेकर, चंद्रकांत गायकवाड, लियाकतशेठ कडवेकर, घिसुशेठ जैन, भाजप नेते आनंद लाड, अपर्णा सुटे, गणेश घाग यांच्यासह कार्यकर्ते व ग्रामस्थ उपस्थित होते.