नागोठण्यात पर्यावरण जनजागृतीपर रॅली 

नागोठणे : लायन्स क्लब इंटरनॅशनल या सेवाभावी संस्थेकडून जगभर १ ते ८ ऑक्टोबर दरम्यान सेवा सप्ताह राबविण्यात येत आहे. त्यानुसारच रायगड जिल्ह्यात नावलौकिक मिळविलेल्या नागोठणे लायन क्लब कडूनही सेवा सप्ताह निमित्त विविध उपक्रम राबविले जात आहेत. याचाच एक भाग असलेल्या पर्यावरण विषयक जनजागृती रॅलीचे आयोजन नागोठणे  लायन्स क्लब कडून शुक्रवार दिनांक ३ ऑक्टोबर रोजी करण्यात आले होते.

या रॅलीची सुरुवात नागोठण्यातील गवळ आळी  येथील श्री राधाकृष्ण व साईबाबा मंदिरापासून सकाळी पावणे अकरा वाजता करण्यात आली. त्यानंतर ही रॅली गांधी चौक, ग्रामदेवता श्री जोगेश्वरी माता मंदिर,  ग्रामपंचायत कार्यालय, छत्रपती शिवाजी महाराज चौक, बाजारपेठ,  खुमाचा नाका मार्गे पुन्हा श्री राधाकृष्ण मंदिरात पावणेबारा वाजण्याच्या सुमारास आल्यानंतर या रॅलीचा समारोप करण्यात आला. या रॅलीत पर्यावरण विषयक जागृती पर अनेक घोषणा देण्यात आल्या. नागोठणे लायन्स क्लबचे अध्यक्ष ला. सखाराम ताडकर, लायन्स क्लबचे चार्टर्ड प्रेसिडेंट ला. प्रकाश जैन, पदाधिकारी ला. विवेक सुभेकर, ला. अनिल गीते, ला. विलास चौलकर, ला. जयराम पवार, ला.  दौलत मोदी, ला. विवेक करडे, ला. दीपक लोणारी, ला. विद्या म्हात्रे, नागोठणे पोलिस ठाण्याचे गोपनीय विभागाचे पो. कॉ. स्वप्नील भालेराव, पो. कॉ. व्हि. आर. बांधणकर, मधुकर चौलकर, दिनेश घाग, मनोहर कडव, जगदीश चौलकर, सुजित चौलकर आदींसह भारतीय एज्युकेशन सोसायटीच्या एस.डी. परमार इंग्लिश मीडियम स्कूलच्या शिक्षिका स्नेहा काटले, स्मिता पाटील यांच्यासह इयत्ता ९ वी व १० वीचे ४६ विद्यार्थी या रॅलीत सहभागी झाले होते.